Proje hakkında

Qadının həm bir insan olaraq, həm də ictimai həyatımızın başlıca faktorlarından biri kimi sosial mövqeyinə nəzər yetiriləcək. Müxtəlif sahələrə aid konkret nümunələr göstərilməklə onun fəaliyyəti qeyd olunacaq və bu zaman qadının, ümumiyyətlə, zərif məxluq olması xüsusi vurğulanacaqdır ki, layihədə qırmızı xətt olaraq keçəcəkdir

“Qadın kimdir? ” sualına cavab tapmaq və bu əsnada şagird şəxsiyyətində mənəvi – estetik dəyərləri formalaşdırılması ən başlıca məqsəddir. Bəşər tarixində qadının inkişaf və tərəqqi misalı olması konkret işlərlə aydınlaşdırılacaq. İncəsənət və mədəniyyət sahəsində, istehsalat və sosial – humanitar sferalarında çalışan qadınlardan bəhs etməklə şagirdlərdə böyük masştabda düşüncə arealı açmaq.

2020 yanvar–2020 mart

Layihə 2020-ci ilin yanvar, fevral, mart, aprel və may aylarını əhatə edir.
Yanvar, fevral – məktəblərin, müəllim və şagirdlərin tanıtımı, eləcə də loqo, afiş, slogan hazırlama müddətini əhatə edəcəkdir.

Mart, aprel – “qadın sosial şəxsiyyətdir” leytmotivi ilə müxtəlif səpkili işlər yerinə yetiriləcəkdir ki, bu da layihənin əsas özül hissəsini təşkil edəcəkdir.

May – yekunlaşdırıcı təşkilati işlər icra ediləcəkdir ki, bu zaman layihə üzvləri toplanmış materiallardan tərtibatlar hazırlayacaqlar.

Şagirdlər qadın şəxsiyyətinə həm fərdi planda, həm də onun cəmiyyətdəki yeri nöqteyi-nəzərindən baxacaqlar və beləcə, qadının şəxsiyyətini hərtərəfli sosial nüansları ilə dəyərləndirmiş olacaqlar. Bundan ötrü də müxtəlif mövzular seçiləcək və müxtəlif metodlar işlənəcəkdir.