تعالو نتذكر ألعاب الحارة مع بعض

حتى نرجع نلعبها مع أولادنا

:اعداد

سلينة ياسين

مكتبة الفانوس

مين فينا ما لعب سبع حجار

مع ابن الجار حد الدار

كان بدنا بس طابة وكومة حجار

والمغيطة كانت تجمعنا

ولما ثلاثتنا لعبنا بالمغيطة ، ثنتين استنوا

ووحدة نطت للعشرة

والحجلة شو قوتنا

لما ع الارض طبشرنا

ونطينا من خانة لخانة

بدائرة قعدنا

وبالطقية لعبنا

طاق طاق طاقية

ومين الي بدو يمسكنا

لما بالحبلة لوحنا

عالي عالي شو وصلنا

وبعد هيك تبدلنا

والالعاب الي جوا البيت يا محلاها

من لعبة المخدات والزت على الاخوة والاخوات

ولعبة اكس او عالورقات

وانسان جماد حيوان نبات

مستحيل ننساها

وبوقت عيد الفصح تجمعنا مع بعض

سلقنا البيض ولوناه

وعلى مفاقسته تحدينا بعض وفقسناه

وبعد في ملان ملان العاب الي ما ذكرناها

زقيطة

غميضة

حامي بارد

انا النحلة انا الدبور

جسر يا جسر

حجرة ورقة مقص

هدول كلهن العاب لعبنا فيهن مع بعض، تشاركنا، تنافسنا، ربحنا ، خسرنا ، قوينا وكبرنا

واسا الوقت نرجع هالذكريات لتصير حاضر  لأولادنا وتضل تجمعنا وتجمعهن