Посткроссинг

by Irina

Postcrossing (посткросінг)— гэта міжнародны online-праект, мэтай якога з’яўляецца абмен паштовымі карткамі і маркамі паміж людзьмі з розных куткоў планеты.
Беларусь уступіла ў сусветны праект Посткросінга ў 2008 годзе. Наша краіна ўваходзіць у дзясятку лідараў па колькасці зарэгістраваных карыстальнікаў і колькасці адпраўленняў. Займае 6-е месца ў сусветным рэйтынгу!

Для таго, каб стаць сябрам посткросінгу, дастаткова зарэгістравацца на сайце www.postcrossing. com. Пасля посткросер-пачатковец можа атрымаць пяць адрасоў іншых посткросераў з любой краіны свету. Ім трэба даслаць свае паштоўкі, пазначыўшы спецыяльны код на кожнай з іх. Пасля атрымання чалавек з дапамогай гэтага коду рэгіструе вашу паштоўку і піша словы падзякі. Пасля таго, як першая картка зарэгістраваная, трэба крыху пачакаць – хутка паштоўка прыйдзе і ў вашу скрынку.

Посткросеры – людзі, якія пасля працы спяшаюцца не праверыць электронную пошту, а зазірнуць у звычайную паштовую скрынку.

Посткросінг – аб’ядноўвае людзей незалежна ад нацыянальнасці, узросту і полу.

Посткросінг аб’ядноўвае 212 краін. Паштоўкі з Сінгапура, Ісландыі, Бразіліі ці Афрыкі – звычайная з’ява.

Статыстыка афіцыйнага сайта на 22 красавіка 2017 года паведамляла, што сумарная адлегласць, пройдзеная ўсімі адпраўленымі ў межах праекта паштоўкамі, складае больш за 206 млрд. км, што ў 1380 з лішнім разоў пераўзыходзіць адлегласць ад Зямлі да Сонца .

Па свеце шукаюць сваіх атрымальнікаў 95 913 паштовак. Трэба толькі захацець, і кожная з іх можа трапіць да вас.

Посткросінг – гэта магчымасць расказаць пра сваю краіну жыхарам любой кропкі свету.

This free e-book was created with

Create your own amazing e-book!
It's simple and free.