Anëtarët e projektit:

Shkolla”Kushtrimi i Lirisë” Tiranë 

Shkolla”Petro Nini Luarasi” Tirane

eta dhe vepra e Jeronim de Radës”

Nën kujdesin e Muzeut Historik Kombëtar, në kuadrin e projektit të “eTwinning” me temë “Arbëreshët” (“Albanesi d’Italia”), gjimnazi “Petro Nini Luarasi” nën drejtimin e mësueses së historisë znj. Mirela Novruzaj dhe shkolla 9-vjeçare “Kushtrimi i Lirisë” me mësuesen e Gjuhë-Letërsisë znj. Dhurata Myrtollari, organizojnë aktivitetin me titull “Jeta dhe vepra e Jeronim de Radës”. Në këtë aktivitet do të jenë të ftuar historiani Prof. Dr. Pëllumb Xhufi dhe Presidenti i Shoqatës së Arbëreshëve të Cosenzas, Prof. Damiano Guagliardi.

“eTwinning” është komuniteti për shkollat në Evropë. “eTwinning” ofron një platformë për stafin (mësuesit, drejtuesit, bibliotekarët etj), të cilët punojnë në një nga shkollat e vendeve europiane të përfshira, për të komunikuar, bashkëpunuar, zhvilluar projekte, për t’u ndjerë dhe për të qenë pjesë e komunitetit më emocionues të të mësuarit në Evropë. “eTwinning” promovon bashkëpunimin shkollor në Evropë nëpërmjet përdorimit të Informacionit dhe Teknologjive të Komunikimit duke ofruar mbështetje, mjete dhe shërbime për të bërë të mundur që shkollat të formojnë partneritete afatshkurtra ose afatgjata në çdo fushë lëndore.
Aktiviteti u zhvillua më datë 11 prill 2018, ne Muzeun Historik Kombëtar.

Qytetet dhe peizazhet e Evropës janë të shënuara nga kujtimet fizike të së kaluarës. Kështjella, urat dhe mrekullitë arkeologjike janë disa nga shembujt më të rëndësishëm. Traditat, gjuhët dhe artet e kaluara nëpër gjenerata formojnë jetën tonë të përditshme. Trashëgimia kulturore përfshin burimet e së kaluarës në forma dhe aspekte të ndryshme. Këto përfshijnë monumentet, faqet, traditat, njohuritë e transmetuara dhe shprehjet e krijimtarisë njerëzore, si dhe koleksionet e ruajtura dhe të menaxhuara nga muzetë, bibliotekat dhe arkivat.